Tūhuratia ngā rapunga auau

Mā wai ngēnei tūmomo tautoko a Tārai Kura?

Ko Tārai Kura e wātea ana ki ngā kura e whai nei, ka whai rānei i ngā tautoko tāpua a te Tāhuhu ki ngā hinonga waihanga, ki ngā hinonga whakahou rānei. Kei roto hoki ngā kura hou e ngana nei ki te tutuki i te tukanga whakaara, ngā kura e whiwhi ātea anō mō te tupunga o te rarangi ākonga me ngā kura e whakahou ātea ako nei hoki.

Mā whea ngēnei tūmomo tautoko a Tārai Kura e whiwhi ai?

E āhei ana ngā kura te whai tautoko mā te tono atu ki tō rātou  Kaiwhakahaere whenua ā-Rohe o te Tāhuhu o te Mātauranga. Kia mōhio mai, mō te taha ki ngā pāpono, he tono tēnei kia whakamahia te tukanga rēhita ā-ipurangi mā te hononga kua tāpiri atu ki ia o ngēnei, waihoki mō te taha ki ngā rauemi, tēnā koa kimi atu mā te whārangi Rauemi.

He whakapānga kia whai mōhiohio anō?

Whakapā mai ki te rapu mōhiohio anō mā tēnei īmēra: contacttaraikura@gmail.com

He hiahia nōku ki te hāpai i tētehi kaupapa ā-ipurangi, i tētehi pānui rānei – me aha au?

Nei rā te tono a ngākau, inā e hiahia ana, whakapā mai, kia honohono ai, kia kōrero tahi ai, ā, kia whanake tahi ai tātou i tā tātou nei kaupapa whakapā mai mā tēnei īmēra: contacttaraikura@gmail.com

I mahue tētehi pāpono i a au, mā whea au e whai mōhiohio ki taua kaupapa?

Mā tō mātou whārangi pāpono, tirohia rānei tō mātou whārangi rauemi, koia hei whārangi mō ā mātou tuhinga whakarāpopoto ā-pāpono mai i tā mātou pānui.

Ka pēwhea au e hono pai ai ki ngētehi atu kura Tārai Kura?

Koinei tētehi painga o tō mātou Hapori ā-Kura he huarahi pai ki te whai hononga ki ngētehi atu kura i tēnei kaupapa. Kia hono atu ki tētehi Hapori ā-kura, tēnā whakamōhio mai mā tēnei īmēra contacttaraikura@gmail.com. Āki atu hoki ki a koutou kia pānuitia ā mātou pānui, nā ngā kaiārahi o ngā kura kua whakatū, kua whakahou rānei te nuinga o ngā pūrongo ā-roto i tuhi ai. Ka taea hoki te ui atu ki tō Ringa Whao kia whai mōhiohio anō.