Ko Wai Mātou?

Ringa Whao – Hei kaiarataki; hei hoa pākiki.

E whakapuakina ana tēnei ingoa kia hāngai atu ki tērā o ngā mahi toi, arā, ko te whakairo. I te ao o te kura, e rite ana
ngā kaimahi o Tārai Kura ki tō ngā ringa rehe o ngā mahi whakairo i a rātou e atawhai ai i te whao kia puta pai ai te āhua me te hanga o tētehi whakairo. Kāti, nā ngā wheakoranga o ngā Ringa Whao rātou i mātanga ai ki ia o ngā nekehanga o tēnei tūmomo kaupapa.

Ko tā te Ringa Whao mahi he tautoko i tō haere. Ko tā rātou he āta hāpai mā te aro pū ki nga tukanga tautoko o te whanaketanga o te huarahi hanga kura. He whakahono ki ngā mana whenua, ki ngā poari ā-kura, ki te hunga whai pānga, ā, ki ngā whānau me ngā hapori hoki, hei āki i a rātou ki te whakawhānui ake i te tirohanga ki ngā āheinga o tō te kura whenua hanga kia tautoko kaha ai i te āhua o te tuku o te marautanga e tika ai ki tō rātou ake horopaki e whakahaumaru ai i te tuakiri me te ahurea o te rohe.

He pūkenga whakarongo, he pūkenga huawaere tā ngā Ringa Whao e taea ai koutou te hono atu ki ngērā atu o ngā kōwhiringa whānui i a Tārai Kura. Hei te wā ka whiwhi tētehi kura i ngā tautoko ā Tarai Kura, ka whiwhi ai i tētehi Ringa Whao hei atawhai tahi e ai ki tō te poari, tō te kura, ki tō te hapori hiahia. Ka noho tonu rātou hei whakapānga mā koutou i te nuku o ngā tukanga hanganga, i ngā tukanga ki tua hoki. Ko ngā ringa e atawhai ai i te ara whao. Ki te taha o ngā kaupapa Capital Works, ka aro pū ki te whanaketanga o tētehi Rangitahi Mātauranga.

Ka kūtia tahitia e Tārai Kura ngā mātanga ako me ō rātou wheakoranga kia taea ai te tukanga te atawhai ki te taha o ngā kura. Ko te ‘Whao’ i tēnei kaupapa he huatau e whakaahua ai i te mātauranga me ngā wheakoranga kei tēnā, kei tēnā o ia rōpū i tēnei kaupapa. Ahakoa ngā kōrero me ngā mātauranga o ngā mana whenua, o ngā tūmomo pūkenga whakahaere kei a rātou o te poari ā-kura, o te kaha o te hautūtanga a te tumuaki rātou ko ngā kaiako, o te pito mata tūturu o ngā tamariki me ngā tautoko nui a ō rātou whānau ake, o ngā pūkenga rānei kei a rātou ngā Ringa Whao.

Ringa Roi – Hei ringa kōkiri mō te mana whenua

Ko ngā Ringa Roi tētehi kohinga mātanga hei ringa kōkiri, hei ringa atawhai mō ngā Mana Whenua nō ia o ngō te tōpūtanga pakihi. Hei ringa hāpai ki te whakapiki i te āheinga whakahonohono ki ngā Mana Whenua, ki ngā iwi hoki, ā, hei ringa arataki ki te taha o ngā Ringa Whao i tēnei ātea.

Ka toro atu ki ngā Ringa Roi ki te tautoko i ngā mahinga korahi, i ngā mahinga tūhono hoki o ngā mana whenua ki tētehi kura e hāngai ai.

Kia mārama mai, ehara rātou i ngā waha kōrero mō ngā hapū, mō ngā iwi, mō tētehi rūnanga rānei, hoi ka kōkiri rātou ki ngā kura kia whai hononga ki ngā mana whenua. Hei ringa atawhai hoki mā ngērā o ngā kura e whai ana i tēnei kaupapa.

Ko rātou o te rohe e pupuru ai i te mana o te whenua, o te takiwā i tētehi rohe, he mana nō ngā hekenga whakapapa e hono ai ki taua whaitua.

Ko te tūhono atu ki ngā mana whenua te kaupapa matua kei te mata o te toki i ngēnei mahi.

TumuakiTumuaki me ngā hautū ā-kuraand school leaders –Kua tohua e te eBoT ki whakarite i ō te Poari kaupapa here kia whakatau i ngā tukanga me ngā whakahaeretanga o te kura o ia rā, o ia rā; i te nuinga o te wā kei te taha o te eBoT te whanaketanga me te whakataunga o te whakakitenga o ngā āhuatanga ako o te kura.

Te Poari Whakatupu (eBoT) – Ko te rōpū whakahaere ā-kura tuatahi mā rātou te tūāpapa whakahaere kura hou; ko tā rātou he whakahonohono atu ki ngā mana whenua, ki ngā hapori me te whakawhiti kōrero ki a rātou; he tohu i tētehi tumuaki hou me tētehi tima whakahaere; he whakarite rautaki whakahaere hei tūāpapa whakawhanake ā-kura.

Te kaiwhanake a Te Tāhuhu – Me kī ko te tumuaki tuatahi i mua i te tumuaki tūturu. Ko tāna he whakarite i ngā mea whakahaere, i ngā kaupapa here, i ngā tāngata o te poari, i ngā rautaki whakawhanake, ki te āta tohu atu i te tumuaki, ki te whakatau i ngā ture kia rite ai mō ERO me tā rātou rautaki aromatawai.

Ngā kanohi nō Te Tāhuhu o te Mātauranga

He hoa haere ki te tōpūtanga o Tārai Kura i ngēnei mahi. Ko ngā Ringa Whao ka tautoko i te tīma ā-whenua mā te atawhai i te eBoT me te tumuaki ki te whakawhanaketanga o tētehi Rangitahi Mātauranga me te tirohanga mātauranga ki te waihanga hou ā-kura.